Արցախից բռնի տեղահանված անձանց՝ Հայաստանում ինտեգրմանը նպաստելու գործում կարևորվում է կառավարության/տեղական ինքնակառավարման մարմինների և հանրության միջև համագործակցությունը և աջակցությունը, որը, ի թիվս այլնի, կարող է դրսևորվել վերջիններիս իրավունքների պաշտպանության մեխանիզմների ուժեղացմամբ: Այս առումով, մենք պատրաստակամ ենք ստանալ Արցախից բռնի տեղահանված անձանց իրավական խնդիրներին առնչվող Ձեր հայտերը և աջակցել Ձեզ և Հայաստանի Հանրապետության կառավարությանը և տեղական ինքնակառավարման մարմիններին՝ դրանց լուծման հարցում։

Բացի այդ, հարթակը միտված է աջակցել Արցախից բռնի տեղահանված անձանց իրավական խնդիրների լուսաբանմանը, նրանց իրավունքների և պաշտպանության երաշխիքների վերաբերյալ իրավական իրազեկմանը, ինչպես նաև՝ ներկայացված հայտերի վերլուծությունների հիման իրավասու մարմինների կողմից փաստարկված բարեփոխումների իրականացմանը՝ ուղղված Արցախից բռնի տեղահանված անձանց արդարադատության հասանելիության ու պաշտպանության մակարդակի բարձրացմանը։