Խաչատրյան Ռաիսան  Iravaban.net-ի «Արցախահայերի իրավական խնդիրները Հայաստանում» շարքի շրջանակներում ասաց, որ չի պատկերացրել, որ կարող է Արցախը հայաթափվել, դրա համար էլ իր անձնագիրը վերցրել և հյուր է գնացել։

«Շարժումը որ սկսվեց, իմ հարազատներն ասացին՝ շարժում է, էլ ով պետք է քեզանով զբաղվի։ Եկա, տեսա ամուսինս ծանր վիճակում է, պոստերում հիվանդացել է։ Հիմա էլ ո՛չ թոշակ է ստանում, ո՛չ աշխատանք կա։ Ինձ էլ չեն տալիս, պատճառաբանում են, որ մինչև 50 տարեկաններին են աշխատանք տալիս»,-նշեց նա։

Տիկին Ռաիսայի անձնագրի ժամկետը լրացել է, այդ պատճառով էլ չի կարողանում թոշակ ստանալ։ Նաև չի ստացել 40+10 հազար դրամ աջակցություն։

«30 հազար դրամ պարտք ենք արել, որ փաստաթղթեր սարքեն, ոչ մի բան էլ հնարավոր չի։ Մենակ պարտքերն է մնացել։ Հերթագրվել ենք, բայց երկար ժամանակ թոշակ չեմ ստացել»,-նշում է նա։

————————

«Լեռնային Ղարաբաղից բռնի տեղահանվածների իրավունքների պաշտպանության մեխանիզմների ուժեղացում» ծրագիրը իրականացվում է Իրավաբանների հայկական ասոցիացիայի կողմից «Հարմոնիա» շուշեցի կանանց հասարակական կազմակերպության հետ համագործակցությամբ` Եվրոպական միության կողմից ֆինանսավորվող «Հայաստանում արդարադատության ոլորտի բարեփոխումների մշտադիտարկում» (www.juremonia.am) ծրագրի շրջանակներում:
Ծրագրի ընդհանուր նպատակն է նպաստել Արցախից բռնի տեղահանվածների ինտեգրմանը Հայաստանում իրենց բնակության նոր համայնքներում՝ նրանց իրավունքների պաշտպանության մեխանիզմների ուժեղացման միջոցով, բարձրացնել նրանց իրավունքների իրավական իրազեկության և արդարադատության հասանելիության մակարդակն ու պաշտպանությունը:
Այս հրապարակումը պատրաստվել է Եվրոպական միության ֆինանսական աջակցությամբ: Բովանդակության համար պատասխանատվություն է կրում «Իրավաբանների հայկական ասոցիացիա» հասարակական կազմակերպությունը և պարտադիր չէ, որ այն արտահայտի Եվրոպական միության տեսակետները: